Day 100 of Siu C

Yeah! 100 日啦！我哋無咩同佢慶祝。食完第一餐奶，休息咗一陣，我哋就出發去蝴蝶邨間聖堂望英文mass。去到聖堂當然要先祈禱多謝天主賜了個可愛BB 俾我哋。但其實係聖堂我都無專心聽神父講福音。彌撒中途小C 要食奶，咁我唯有係聖堂裡其中一間房餵。一路餵, 小C 一路兩頭望，好唔專心。最後求其餵完就算。小C真係個乖BB，成個過程佢無瞓覺，又無喊，好安靜！

餵完奶，彌撒已經完咗。咁我哋就坐輕鐵去兆麟苑探婆婆。第一次上婆婆屋企，婆婆話小C 第一次上去探婆婆，婆婆又俾利是佢！第一次返去喎....咁都得  HAHA.... 小C 見到婆婆當然開心。我哋留咗喺婆婆度20分鐘左右，便走了。因為Papa Mama 未食午餐，好肚餓呀！