3 months (Day 92) of Siu C

嘩! 時間真快，小C 已經3個月。其實小C 真係好乖，呢3個月裡面容易過o既日子係多過難攪o既日子。小C可以瞓過夜已經超過1個月，佢真係代我不薄。

今日小C3個月，我哋無同佢慶祝，揀咗明天先同婆婆佢哋一齊慶祝。
今日Papa 要去東涌剪頭髮，咁我哋一行3人便一齊去東涌。好順利我哋去到東涌，Papa Mama 先飲個茶，食點心做午餐。反正入開東涌，我哋就順路探了五姨婆、寶欣表姨，仲要咁啱Michael 表舅舅喺香港。一上到姨婆屋企就要開餐 (埋身餵)，總算食得順順利利。本來好驚小C 有勁Poo 因佢早上兩餐後都無Poo 過，但好好彩佢雖然有Poo，但比較乾身，D Poo 無爆片。係姨婆屋企咗影咗好多相。

返到屋企已經下午5點，立即幫小C 洗白。佢又好乖，洗白同massage tummy 都無喊，真係抵錫。